Шалгалтын дүн

2017 оны 12-р сард авсан МНБ-ийн эрх олгох шалгалтын дүн
Орхон аймаг

МНБ-ийн эрх олгох шалгалтын зар

Санхүүчдийн баяр, УБ хотын шалгалт зэрэг арга хэмжээнүүдээс болж манай шалгалтын хуваарьт өөрчлөлт орж 2 өдөрт багтаан зохион байгуулахаар боллоо.

Сорил хичээлийн сургалт шалгалтын хуваарь

Мэргэшсэн нягтлан бодогчийн сорил шалгалтын сургалт 11-р сарын 28-ны өдөр Орхон аймгийн татварын хэлтсийн сургалтын танхимд явагдана.
Шалгалт 12-р сарын 2-ны 12.00 цагт МУИС-ийн Эрдэнэт сургуулийн 217 тоот танхимд авна

Холбоо барих утас: 99068176
Төлбөр төлөх данс: ХААН банк 5090476146 ММНБИ

Мэргэшсэн нягтлан бодогчийн сургалт энэ сарын 13-наас эхэлнэ

Мэргэшсэн нягтлан бодогчийн эрх олгох шалгалтанд бэлдэх сургалтанд бүртгэж байна. Утас 99068176, 99351035

2017 оны 05-р сард авагдсан МНБ-ийн эрх олгох шалгалтын дүн

Шифрээрээ дүнгээ харна. Шифрээ мартсан бол 99068176 дугаараас авна уу

Тасралтгүй боловсролын сургалт зохион байгуулав

Орхон аймгийн ИТХ-аас зарласан “Төсвийн бодлого-ИТХ-ын хяналт” сэдэвт сарын аяны хүрээнд ММНБИ-ийн Орхон салбар, аймгийн санхүү төрийн сангийн хэлтэстэй хамтран мэргэжлийн болон мэргэшсэн нягтлан бодогчид, санхүүчид, ажил олгогчид зориулсан тасралтгүй боловсролын сургалтыг 2017.05.25-ны өдрийн 14.00 цагт Уурхайчин соёлын ордонд зохион байгууллаа. Энэхүү арга хэмжээнд аймгийн засаг даргын орлогч С.Батжаргал, ИТХ-ын тэргүүлэгч Б.Отгонбат, СТС хэлтсийн  дарга Н.Бямбацэцэг, Эрдэнэт үйлдвэр ХХК-ийн СЭЗ эрхэлсэн дэд захирал Ж.Эрдэнэбилэг, Ерөнхий нягтлан бодогч С.Сүхбат нарын албаны хүмүүс хүрэлцэн ирж оролцлоо. Мөн урилгаар Монгол улсын гавъяат эдийн засагч,доктор профессор Р.Батжаргал, marketinfo.mn цахим хуудсыг санаачлагч, захирал Б.Ганболд, Ард секюритиз үнэт цаасны компанийн хөрөнгө оруулалтын шинжээч Б.Лхамдолгор, Хөрөнгө оруулалтын академийн захирал Ш.Энхмэнд нар хүрэлцэн ирж, “Шинэ эриний нягтлан бодогч”, “Хөрөнгийн зах зээл ба хувьцаа бондод хөрөнгө оруулах нь”, “Хөрөнгийн зах зээлээс хөрөнгө оруулалт татах боломж”сэдвүүдээр лекц уншлаа.  

Энэхүү сургалтанд салбарын гишүүд болон төрийн байгууллагуудын нягтлан бодогчид, санхүүчид нийлсэн 160 гаруй хүн хамрагдав.  

ММНБИ-ийн Орхон салбарын менежер Д.Отгонбаатар

 Сургалтыг нээж аймгийн Засаг даргын орлогч С.Батжаргал үг хэлж, амжилт хүслээ

 Сургалтыг зохион байгуулагчид, хүрэлцэн ирсэн багш нар, зочид төлөөлөгчид

Шалгалтын хуваарь

Шалгалтанд орох хүмүүсийн анхааралд

Энэ линкээр ороод бүрдүүлэх бичиг баримт өрөгдөл анкетийн маягт татаж авна уу
http://www.test.monicpa.mn/index.php?viewThisHomePage=49&contentid=1885

ММНБИ-ийн Орхон салбарыг Т.Очирхүү удирдана

ММНБИ-ийн Орхон салбарын 2017.02.20-ны өдрийн бүх гишүүдийн хурлаас сонгогдсон Удирдах зөвлөлийн анхдугаар хурал 2017.02.22-ны өдөр боллоо. Хуралд гишүүд 100%-ийн ирцтэйгээр оролцсон ба дараах асуудлуудыг шийдвэрлэлээ, Удирдах зөвлөлийн дарга бөгөөд салбарын даргаар Т.Очирхүү /"Эрдэнэт үйлдвэр" ХХК-ийн тэргүүлэх нягтлан бодогч/, Салбарын менежер, нягтлан бодогчоор Д.Отгонбаатар /МУИС-ийн Орхон сургуулийн багш/, Хяналтын зөвлөлийн даргаар Б.Сүнжидмаа /Орхон аймгийн татварын хэлтсийн улсын байцаагч/ нарыг санал нэгтэйгээр тус тус сонголоо. Мөн салбарын удирдлага зохион байгуулалтын асуудлаар санал солилцож, шинэ бүтэц, зохион байгуулалтыг батлав.

Бүх гишүүдийн хурлаар шинэ удирдах зөвлөлийг сонголоо

ММНБИ-ийн Орхон салбар Бүх гишүүдийн хурлаа хийж 2017-2020 онд ажиллах удирдах зөвлөл хяналтын зөвлөлийн гишүүдээ сонголоо. Удирдах зөвлөлийн гишүүдээр Т.Очирхүү /"Эрдэнэт үйлдвэр" ХХК-ийн тэргүүлэх нягтлан бодогч/, Л.Баасандорж /МУИС-ийн Орхон сургуулийн НББ-ийн тэнхимийн эрхлэгч/, Ж.Эрдэнэбилэг /"Эрдэнэт үйлдвэр" ХХК-ийн санхүү эдийн засаг эрхэлсэн орлогч захирал/, Г.Энхсайхан /"Эрдэнэт-Ус ДТС" ОНӨХК-ийн санхүүгийн албаны дарга/, Д.Пүрэвсүрэн /"Эрдэнэт үйлдвэр" ХХК-ийн ерөнхий нягтлан бодогчийн орлогч/, Б.Наранцэцэг /"Эрдэнэт Булганы ЦТС" ТӨХК-ийн ерөнхий нягтлан бодогч/, Д.Буяндэлгэр /Орхон аймгийн татварын хэлтсийн улсын байцаагч/, Д.Отгонбаяр /"Эрдэнэт үйлдвэр" ХХК-ийн нягтлан бодогч/, Д.Отгонбаатар /МУИС-ийн Орхон сургуулийн багш/ нар, Хяналтын зөвлөлийн гишүүдээр С.Туул /"Эрдэнэт үйлдвэр" ХХК-ийн тэргүүлэх нягтлан бодогч, М.Цэнгэлмаа /Орхон аймгийн татварын хэлтсийн улсын байцаагч/, Б.Сүнжидмаа /Орхон аймгийн татварын хэлтсийн улсын байцаагч/ тус тус сонгогдлоо. 2017.02.20, Орхон аймаг

Салбарын тайлан 2013-2016

Report2013 2016 from Монгол Улсын Их Сургууль

Орхон аймагт сургалт, сорил шалгалтыг зохион байгуулав

Орхон аймагт Мэргэшсэн нягтлан бодогчийн эрх олгох сургалт 2016 оны 11 дүгээр сарын 14-25-нд явагдсан бөгөөд сургалтыг ММНБИ-ийн хөтөлбөр хариуцсан менежер Б.Батцэцэг “Өртөг ба гүйцэтгэлийн удирдлага”, “Санхүүгийн менежмент” хичээлээр, Монгол бизнес дээд сургуулийн багш Ц.Лхагвадулам “Санхүүгийн тайлагнал” хичээлээр тус тус удирдан явууллаа. Сургалтанд Орхон аймгийн төсвийн болон төрийн өмчит компаниуд, бизнесийн  салбарын 20 нягтлан бодогч хамрагдсан. 

2016 оны 11 дүгээр сарын 29-ний өдөр “Санхүүгийн тайлан гаргах арга зүй, цогц бодлого”, “Мэдээлэл технологи, ур чадвар”, “Мэргэжлийн үнэ цэнэ, ёс зүй” хичээлүүдийн сорил шалгалтыг амжилттай зохион байгуулав.

12 дугаар сарын 02-04-ний өдрүүдэд Орхон аймагт Мэргэшсэн нягтлан бодогчийн шалгалтыг зохион байгуулахаар төлөвлөж байна.

Салбарын менежер Д.Отгонбаатар

Орхон салбар НББ-ийн олимпиад зохион байгуулав

ММНБИ-ийн Орхон салбар жил бүр МУИС-ийн Орхон сургуулийн НББ-ийн тэнхимтэй хамтарч НББ-ийн олимпиадыг зохион байгуулдаг уламжлалтай билээ. Энэ жилийн 8-р олимпиадыг 2016 оны 11 дүгээр сарын 14-ний өдөр зохион байгуулав. Уг олимпиадад нягтлан бодох бүртгэлийн хөтөлбөрөөр сургалцаж буй 100 гаруй оюутнууд, мэдлэг, чадвар, оюун ухаанаа сорин өрсөлдсөнөөс тэргүүн байрыг НББ-4а ангийн оюутан З.Энх-амгалан тэргүүн байр, Б.Мөнхбаяр дэд байр, Б.Азантунгалага гутгаар байрыг тус тус эзэллээ.